insani zindagi per aqeeda e tauheed ke asraat

tauheed ka aqeeda dill mein raasikh hojae
shirk ke andeshe zehn se nikal jaen
or insan ko kamil yaqeen hojae ke Allah ke siwa na kisi ke pass taqat hai na qudrat hai na uske siwa koi kuch de skta hai or na uske diye huwe ko koi rok sakta hai na kisi or ke hath mein nafa hai na nuqsaan tou uski shaksiat ko bohut mazboot bunyaden mil jati hain
uski zindagi ke sare pehlu sanwar jate hain uski nikhri hui shaksiat ki kuch numayan nishaaniyan yeh hoti hain...................

1 khud'daari

tauheed per yaqeen rakhne wala khud'daar or be niyaz hojata hai use yeh yaqeen hojata hai k qudrat rakhne wala srf Allah hai baki sab mere jese insaan hain aam be bas kamzor is lye uska sar srf Allah ke samne jhukta hai wo na dusre insano ke darwazon per hazri deta h na be jaan moorton ko sajdah kerta hai

2 inksaar 

aqeedah e tauheed se inkisaar o tawazo peda hota hai qk tauheed ka aqeeda rakhne wala yeh janta hai k wo be bas h Allah k samne uske pass jo kuch hai sab usi ka dya hua h 

3 wus'at nazar

aqeedah e tauheed ka qail tang nazar nh hota qk wo us rehmaan o raheem per yaqeen rakhta hai jo sab jahano ka palne wala hai uski rehmaton se sab fezyaab hote hain

4 bahaduri 

Allah taala per imaan lane se bahaduri peda hoti hai momin janta h ke her cheez uski mohtaaj hai Allah ko he her qudrat hasil hai lihaza usi se darna chahye is aqeede ke zarye momin ke dil se dusron ka khof nikal jata hai or wo bahaduri ki tasveer ban jata hai or kisi bare bare fir'on ka khof apne dill mein nh lata khuwah badr ki larai ho ya uhd ki 

5 itminan e qalb

aqeedah e tauheed ka man'ne wala mayoos nahi hota wo her waqt Allah ki rehmat per aas lagae rehta hai qk wo janta hai ke Allah uski sheh rag se bhi ziada qareeb hai 

6 parhezgari

aqeedah e tauheed se insan k dill mein parhez gari peda hoti hai kyun k her momin ka emaan hai k Allah her zahir or posheeda ko janta hai agar koi chup ke gunah kre tou mumkin hai logon ki nazar se bach jae magar Allah ki nazar se nahi chup sakta qk wo tou dilon ke iradon ko bhi janta hai yeh emaan insan mein jazbaaa peda kerta hai ke wo tanhai mein bhi gunah na kre 

7 tawaqal al-Allah 

momin dunya ke asbab ko turk (leave) nahi kerta balke poora poora faidah uthata hai lekin haqiqi moasir Allah ko janta hai or her haal mein usi ki zaat per bharosa kerta hai ......